ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᐃᓂᒃᓴᖃᕈᓐᓇᕐᒪᖔᖅᐱᑦ ᑲᓇᑕᐅᑉ ᖁᑦᑎᒃᑐᒥ ᖃᐅᔨᓴᕐᕕᖓᓂ ᐊᑏᒍᖅ ᖃᐅᔨᒋᐊᕐᓂᐊᖅᐳᑎᑦ ᐅᑭᐅᖅᑕᖅᑑᓂᕐᒥᒃ ᖃᐅᔨᒪᓂᖅ ᑲᓇᑕᒥ ᐴᓚᒃᑯᑦ-Polar-ᑯᑦ ᐱᓕᕆᔨᖏᓐᓂᒃ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂ ᐅᕗᓇ: https://www.canada.ca/en/polar-knowledge.html
ᑐᒃᓯᕋᕈᒪᓂᐊᕈᕕᑦ ᐊᑐᕈᓐᓇᕈᒪᓂᖅ ᐃᓄᖕᓄᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᑕᐃᑲᓂ ᑲᓇᑕᐅᑉ ᖁᑦᑎᒃᑐᒥ ᖃᐅᔨᓴᕐᕕᖓᓂ ᓇᔪᖅᑕᐅᔪᓐᓇᖅᑐᓂᒃ, ᑕᑕᖅᑎᑕᐅᖁᔨᕗᒍᑦ ᖃᐃᑕᐅᓗᑎᒡᓗ ᑖᒃᑯᐊ ᑕᑕᑎᒐᒃᓴᐃᑦ ᑕᒫᓂ 30 ᐅᓪᓗᐃᑦ ᓯᕗᓂᐊᒍᑦ ᐱᒋᐊᖅᑎᑦᑎᓚᐅᖏᓐᓂᕐᓂᒃ ᓱᓕ ᐱᓕᕆᐊᕆᔪᒪᔭᕐᓂᒃ.
ᖃᐃᑕᐅᓯᒪᓕᕈᑎᒃ, ᐅᖃᕐᕕᐅᓂᐊᖅᑐᑎᑦ ᐴᓗᒃᑯᓐᓄᑦ POLAR-ᑯᓐᓄᑦ ᖃᐅᔨᓴᕐᕕᖕᒥ ᐱᓕᕆᔨᖏᓐᓄᑦ ᐊᑐᕐᓗᑎᒃ ᖃᕆᑕᐅᔭᒃᑯᑦ ᑎᑎᖃᕐᑖᕐᕕᒃᑯᑦ ᐅᖄᓘᑎᒃᑯᓪᓗᓐᓃᑦ. ᒪᓕᒃᑕᐅᓗᑎᒃ ᖃᓄᐃᓕᐅᕈᑎᒋᔪᒪᔭᑎᑦ ᐊᒻᒪ ᖃᓄᖅ ᐊᑯᓂᐅᑎᒋᓂᐊᖅᑐᓂᒃ, ᐴᓗᒃᑯᑦ ᖃᐅᔨᓴᕐᕕᖕᒥ ᐱᓕᕆᔨᖏᑦ ᐊᑐᕐᓂᐊᖅᑐᓂᒃ ᐊᖏᕈᑎᓕᐅᕈᒪᓂᐊᖅᑐᒃᓴᐅᔪᑦ, ᐃᓗᓕᖃᕐᓂᐊᖅᑐᓂᒃ ᒪᓕᒃᑕᐅᖁᔭᖏᓐᓂᒃ ᐊᒻᒪᓗ ᖃᓄᐃᓕᖓᖁᔭᐅᓂᖏᓐᓂᒃ ᐊᑐᖅᑕᐅᔪᒪᓂᖏᓐᓂᒃ ᐃᓂᒃᓴᓂᒃᑕᐅᔪᓐᓇᕐᓂᖏᓐᓂᒃ, ᖃᐅᔨᓴᕐᕕᖕᒥ.
ᐊᑐᕐᓂᕐᒧᑦ ᐃᓄᓕᒫᖅᓯᐅᑕᐅᔪᓂᒃ ᖃᐅᔨᓴᕐᕕᖕᒥ ᐱᓕᕆᐊᕆᔪᒪᔭᕐᓂ, ᒪᑯᓂᖓ ᓯᕗᓪᓕᖅᐹᖅᓯᐅᑎᓂᒃ ᑎᑎᕋᖅᓯᒪᔪᓂᒃ ᐱᔾᔪᑎᖃᖅᑐᓂᒃ ᖃᖓ, ᑕᐃᔭᐅᓂᖏᓐᓂᒃ ᐊᒻᒪᓗ ᖃᓄᐃᑦᑐᓂᖏᓐᓂᒃ ᐱᓕᕆᐊᒃᓴᐃᑦ, ᑐᓂᔭᐅᖃᑦᑕᕈᓐᓇᕐᓂᐊᖅᑐᑦ ᐊᓯᖏᓐᓄᑦ ᐱᖓᔪᒋᔭᐅᔪᓄᑦ ᐊᒻᒪᓗ/ᐅᕝᕙᓗᓐᓃᑦ ᐃᓄᓕᒫᓄᑦ ᑕᑯᔭᐅᔪᓐᓇᖅᑐᓄᑦ ᓴᕿᑎᑕᐅᓯᒪᔪᓐᓇᖅᓱᑎᒃ.
ᐃᓄᓕᒫᖅᓯᐅᑎᒃᑯᕕᖏᑦ ᑕᐃᑲᓂ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᕕᐊᓗᖕᒥ ᐊᑐᖅᑕᐅᕙᒃᑐᑦ ᐊᒥᓱᓄᑦ ᐃᓄᖕᓄᑦ. ᓈᒻᒪᑦᑎᐊᖁᓪᓗᒋᑦ ᐊᒻᒪᓗ ᐅᓂᒃᑳᖅᑕᐅᑦᑎᐊᖃᑦᑕᕆᐊᖃᕐᓂᖏᓐᓄᑦ ᖃᓄᐃᓕᖓᑎᑕᐅᓂᖏᑦ, ᐆᒃᑐᕈᑏᑦ ᕿᒥᕐᕈᐊᖅᑕᐅᕙᒃᑐᑦ ᐊᖏᕈᑕᐅᕙᒃᓱᑎᒡᓗ ᑲᑎᒪᔨᕋᓛᓄᑦ ᕿᒥᕐᕈᐊᖅᑎᐅᕙᒃᑐᓄᑦ ᐆᒃᑐᕈᑎᓂᒃ, ᒪᓕᒃᐸᒃᓱᑎᒃ ᐱᔾᔪᑎᒃᓴᖃᑦᑎᐊᕐᓂᖏᓐᓂᒃ ᐊᒻᒪᓗ ᐊᑐᖅᑕᐅᔪᓐᓇᕐᓂᖏᓐᓂᒃ ᐅᑭᐅᖅᑕᖅᑐᒥ ᖃᐅᔨᒪᓂᕐᒥᒃ ᐴᓗᒃᑯᑦ ᖃᐅᔨᓇᓱᒃᐸᒃᑕᖏᓂᒡᓗ ᑎᓕᔭᐅᓯᒪᓂᖏᓐᓂᒃ ᒪᓕᒃᑐᓂᒃ, ᐊᒻᒪᓗ ᐊᑐᕈᒪᔪᑦ ᐊᒥᓲᓂᖏᓐᓂᒃ ᒪᓕᒃᓱᑎᒃ. ᐆᒃᑐᖃᑕᐅᔪᑦ ᑕᒪᕐᒥᐊᓗᒃ ᐃᓂᒃᓴᓂᒃᑕᐅᔪᐃᓐᓇᐅᕙᖏᒪᑕ, ᖃᐅᔨᒪᔭᐅᓂᐊᖅᐳᖅ.
ᐅᑭᐅᖅᑕᖅᑐᒥ ᖃᐅᔨᒪᓂᕐᒥᒃ ᐴᓗᒃᑯᑦ ᖃᐅᔨᓇᓱᒃᐸᒃᑕᖏᓂᒡᓗ ᑎᓕᔭᐅᓯᒪᓂᖏᓐᓂᒃ
(ᐊᑐᐃᓐᓇᐅᕙᖕᒥᔪᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᒃᑎᓐᓂ ᐅᕙᖓᑦ ᑐᕌᕉᒻᒥᒃ: https://www.canada.ca/en/polar-knowledge/behindthescenes.html#h2-2)
ᒪᕐᕉᖕᓂᒃ ᐱᑕᖃᖅᐸᑦ ᐱᓂᖅᓴᐅᒐᓱᐊᖅᑐᓂᒃ ᐆᒃᑐᕈᑏᖕᓂᒃ ᐊᑐᕈᒪᔪᓂᒃ ᑕᐃᒃᑯᖓᑦᓴᐃᓐᓇᖅ ᐃᓂᒃᓴᓂᒃᑕᐅᓯᒪᕝᕕᒃᓴᓂᒃ, ᐴᓚᒃᑯᑦ ᖃᐅᔨᒪᔨᖏᑦ ᓯᕗᓪᓕᐅᑎᓐᓂᐊᖅᑕᖏᓐᓂᒃ ᑐᑭᓕᐅᖅᑎᐅᓂᐊᖅᑐᑦ ᑕᐃᒃᑯᓇᖓ ᕿᒥᕐᕈᐊᕐᓗᑎᒃ ᐱᖃᓯᐅᔾᔨᓯᒪᓂᐊᖅᑐᓂᒃ ᐅᑭᐅᖅᑕᖅᑐᒥᐅᑕᓂᒃ ᓄᓇᖃᖅᑐᑐᖃᐅᔪᓂᒡᓗᓐᓃᑦ ᖃᐅᔨᓴᕈᒪᔭᖏᓐᓂ ᐱᓕᕆᓂᖏᓐᓂ.
ᐊᑭᖃᔾᔮᖏᑦᑐᖅ ᐊᑐᕈᓐᓇᕐᓂᖅᓂ ᐃᓂᒃᓴᓂᒃᓯᒪᕝᕕᐅᕙᖕᓂᖏᓐᒃᓂ ᖃᐅᔨᓴᕐᕕᖕᒥ, ᐃᓄᓕᒪᖅᓯᐅᑎᒃᑯᕕᖓᓂ.
ᐊᑐᖅᐸᒃᑐᑦ ᐱᔫᒥᓴᒃᑕᐅᕗᑦ ᐃᓕᑕᖅᓯᖃᑦᑕᖁᔭᐅᓂᖅ POLAR-ᑯᑦ ᐴᓗᒃᑯᑦ ᐱᖁᑎᓂᒃ ᓴᓇᓯᒪᔭᖏᓐᓂᒃ ᐊᑐᕐᓂᖏᓐᓂᒃ ᐱᓕᕆᓪᓗᑎᒃ ᑕᒫᓂ ᓇᔪᖅᑕᐅᕙᒃᑐᒥᒃ (ᐅᓂᒃᑲᓕᐊᖏᓐᓂᒃ, ᐊᔾᔨᐅᖓᓕᐊᕆᓯᒪᔭᖏᓐᓂᒃ, ᑎᑎᖃᖁᑎᖏᓐᓂᒃ, ᐊᓯᖏᓐᓂᒡᓗᓐᓃᑦ). ᐊᐱᖁᑎᒃᓴᖃᕈᔅᓯ ᐱᔾᔪᑎᒋᓪᓗᒋᑦ ᐃᓕᑕᕆᔭᐅᔭᕆᐊᓖᑦ, ᐊᑏᑐᖅ ᐅᖃᕐᕕᐅᓂᐊᖅᐳᑦ ᐅᕘᓇ ᖃᕆᑕᐅᔭᒃᑯᑦ ᑎᑎᖃᖅᑖᕐᕕᖓᒍᑦ ᐅᕙᓂ communications@polar-polaire.gc.ca.